Nagpur Murder : IT कंपनीच्या मॅनेजरची कर्मचार्‍यांनी केली हत्या, म्हणाले- बॉस त्रास द्यायचा
शुक्रवार, 23 फेब्रुवारी 2024 (11:30 IST)
नागपुरातून एक धक्कादायक घटना समोर आली आहे. जिथे आयटी सेक्टरमध्ये काम करणाऱ्या एका कर्मचाऱ्याने आपल्या बॉसच्या फटकाऱ्याला कंटाळून त्याची हत्या केल्याचा आरोप आहे. या घटनेने खळबळ उडाली आहे. सुरुवातीला बॉसचा अपघाती मृत्यू झाल्याची बतावणी आरोपींनी केली. मात्र तपासात सत्य बाहेर आले.
मिळालेल्या माहितीनुसार, नागपूरच्या बेलतरोडी पोलीस ठाण्याच्या हद्दीत ही घटना घडली. मृत एल देवनाथन उर्फ एनआर लक्ष्मीनरसिंघम हे सहायक व्यवस्थापक होते. 41 वर्षीय देवनाथन हे हरियाणातील फरिदाबादचा रहिवासी होते. ते हेक्सावेअर टेक्नॉलॉजीज, मिहान येथे सहाय्यक व्यवस्थापक म्हणून 10 महिने कार्यरत होते. नागपूरच्या मनीषानगर येथील अग्निरथ कॉम्प्लेक्समध्ये ते राहत होते.
तर गौरव भीमसेन चंदेल (वय 32) आणि पवन अनिल गुप्ता (वय 28) अशी आरोपींची नावे आहेत. दोघेही एकाच कंपनीत काम करत असून ते मूळचे मध्य प्रदेशचे रहिवासी होते. आरोपी पवन देवनाथन यांचा रूम पार्टनरही होता. कामात चुका झाल्या की देवनाथन सिनियर असल्याने त्यांना शिव्या द्यायचा आणि रागवायचा. या अपमानाचा बदला घेण्यासाठी त्याने ही हत्या केली.
आरोपी गौरव आणि पवन अनेकदा बॉस देवनाथनसोबत त्यांच्या खोलीत पार्टी करायला जात होते. सोमवारी मध्यरात्रीही तिघेही एकत्र बसून दारू पीत होते. त्यानंतर देवनाथन यांनी दोघांनाही सांगितले की, आता कामात चुका झाल्या तर सहन करणार नाही आणि नोकरीवरून काढून टाकेन. देवनाथनांच्या या धमकीने गौरव आणि पवन संतापले.
दरम्यान दारूच्या नशेत त्यांनी देवनाथनच्या छातीत वार केले. देवनाथनांचा जागीच मृत्यू झाला. यानंतर दोघांनी अपघात झाल्याचे नाटक केले. त्यांनी देवनाथनांना दवाखान्यात नेले. देवनाथन खाली पडले आणि त्यांच्या छातीवर जखमा झाल्याचा दावा आरोपींनी केला. मात्र डॉक्टरांनी देवनाथनांना मृत घोषित केले.
याप्रकरणी पोलिसांना गौरव आणि पवनवर आधीच संशय होता. त्यांच्याकडे कसून चौकशी केली असता त्यांनी खुनाची कबुली दिली. या प्रकरणी पोलिसांनी दोघांविरुद्ध खुनाचा गुन्हा दाखल करून त्यांना अटक केली आहे.
या घटनेची माहिती फरिदाबाद येथे राहणाऱ्यांना देवनाथनांचे वडील एनआर लक्ष्मी नरसिंहम (वय 68) आणि लहान भाऊ एल देवराजन (वय 37) यांना देण्यात आली.
