एमपीएससीच्या रखडलेल्या गट ब,गट क, आणि गट ड च्या परीक्षा महापोर्टलवर म्हणजेच महापरिक्षा पोर्टलवर घेण्यात याव्यात अशी मागणी विद्यार्थी आणि विद्यार्थी संघटनांकडून करण्यात आली होती. त्यानंतर राज्य सरकारने या परीक्षा महापोर्टलवर घेण्यात येतील का ? अशी विचारणा महाराष्ट्र लोकसेवा आयोगाकडे केली होती. त्यावर आता आयोगाने सकारात्मक उत्तर दिलं आहे.
महाराष्ट्र लोकसेवा आयोग विनियम 1965 मध्ये आवश्यक ते बदल करणे. सर्व शासकीय विभागांच्या सर्व संवर्गांचे सेवा प्रवेश नियम आयोगाच्या सहमतीनं सुधारित करणे, लोकसेवा आयोगाकडील मनुष्यबळ वाढवणे, यासह अटींवर लोकसेवा आयोग परीक्षा घेण्यास तयार असल्याचं सरकारला कळवण्यात आलं आहे.
