सध्या पावसाचे जोरदार सत्र सुरु आहे. नदी नाले तुडुंब भरले आहे. धबधबे वाहत आहे. असं म्हणतात की आग आणि पाणीशी कधीही खेळू नये. पाण्याशी खेळणे एका तरुणाला चांगलंच भोवलं आहे. मुंबईच्या मालाड पूर्व येथे संजय गांधी राष्ट्रीय उद्यानातून येणाऱ्या धबधब्यात एक 25 वर्षीय तरुण वाहून गेल्याची घटना घडली आहे. चंदन शाह असे या तरुणाचे नाव आहे.
मिळालेल्या माहितीनुसार, मालाडमधील संजय गांधी राष्ट्रीय उद्यानातून बाहेर पडणाऱ्या धबधब्यात एक तरुण मंदधुंध अवस्थेत मध्यभागी जाऊन बसला. त्याच्या मित्रांनी त्याला बाहेर काढण्याचा प्रयत्न केला. मात्र त्याचा हात निसटला आणि तो धबधब्यात वाहून गेला.
