कोकणातील उर्वरित भागात, मध्य महाराष्ट्रातील घाट, मराठवाडा आणि विदर्भातील काही ठिकाणी मुसळधार पावसाची शक्यता असल्याने हवामान खात्याने येलो अलर्ट जारी केला आहे.
कोकणातील उर्वरित भागात, मध्य महाराष्ट्रातील घाट, मराठवाडा आणि विदर्भातील काही ठिकाणी मुसळधार पावसाची शक्यता असल्याने हवामान खात्याने येलो अलर्ट जारी केला आहे.
कोकण आणि मध्य महाराष्ट्राच्या घाटांवर पाऊस
कोकण आणि मध्य महाराष्ट्राच्या घाटांवर पाऊस सुरू राहिल्याने पालघर, ठाणे, सिंधुदुर्ग, नाशिक, पुणे, सातारा, कोल्हापूर जिल्ह्यात मुसळधार पाऊस पडत आहे.
विदर्भासाठी अलर्ट
तसेच, सोलापूरमध्येही पावसाचा जोर कायम आहे. तसेच गुरुवारी विदर्भातील अमरावती, वाशिम, यवतमाळ, नागपूर, भंडारा, गोंदिया, चंद्रपूर, गडचिरोली जिल्ह्यांमध्ये तसेच रत्नागिरी आणि सातारा या घाटांमध्ये मुसळधार पावसाची शक्यता असल्याने अलर्ट जारी करण्यात आला आहे.
उत्तर महाराष्ट्र आणि मराठवाड्यात विजांसह पाऊस
दरम्यान, हवामान खात्याने पालघर, ठाणे, रायगड, सिंधुदुर्ग, जळगाव, पुणे घाट, नाशिक घाट, कोल्हापूर घाट, हिंगोली, नांदेड जिल्ह्यांमध्ये मुसळधार पावसाची शक्यता असल्याने अलर्ट जारी केला आहे आणि उत्तर महाराष्ट्र आणि मराठवाड्यात विजांसह पाऊस पडण्याची शक्यता आहे. भारतीय हवामान खात्याने ७ ते ९ जुलै दरम्यान नागपूर जिल्ह्यात मुसळधार ते अतिमुसळधार पाऊस, वादळ आणि विजांचा कडकडाट होण्याची शक्यता वर्तवली आहे.
