मिळालेल्या माहितीनुसार त्यांच्या 'एक्स' हँडलवर केलेल्या पोस्टसाठी गडचिरोली जिल्ह्यात तेजस्वीविरुद्ध गुन्हा दाखल करण्यात आला आहे. या पोस्टमध्ये त्यांनी पंतप्रधान मोदींनी जनतेला दिलेली आश्वासने जुमला असल्याचा आरोप केला होता. शुक्रवारी पंतप्रधानांच्या बिहार दौऱ्यापूर्वी तेजस्वी यांनी हे पोस्ट केले होते.
या प्रकरणावर टिप्पणीसाठी 'पीटीआय व्हिडिओ'ने संपर्क साधला तेव्हा तेजस्वी यांनी पलटवार केला आणि म्हटले की, एफआयआरला कोण घाबरतो? 'जुमला' हा शब्द आक्षेपार्ह आहे का? मी फक्त सत्य बोलत होतो. आणि मी ते करत राहीन. ते माझ्याविरुद्ध हवे तितके गुन्हे दाखल करू शकतात.
तसेच तेजस्वी यांचे जवळचे सहकारी आणि राज्यसभा सदस्य संजय यादव यांनी त्यांच्याविरुद्ध दाखल झालेल्या एफआयआरवरून भाजपवर निशाणा साधला. यादव म्हणाले, महाराष्ट्र, उत्तर प्रदेश आणि आसाम सारख्या दूरवरच्या राज्यांमध्ये एफआयआर दाखल करण्याचा काय अर्थ आहे?
