गृहराज्यमंत्री सतेज पाटील यांनी जाधव यांचं अभिनंदन केलं आहे.
जाधव यांच्या कार्यकर्त्यांनी गुलाल उधळून जल्लोष करायला सुरुवात केली आहे.
तर काही ठिकाणी जाधव यांच्या विजयाचे बॅनरली लावण्यात आले आहेत.
कोल्हापूर उत्तर जागेसाठी 12 एप्रिल रोजी यासाठी मतदान झाले होते. एकूण 61.19 टक्के मतदान झाले होते. मतदानाची टक्केवारी वाढल्याने निकालाची उत्सुकता आहे. पण वाढलेल्या मतदानाचा कुणाला फायदा होणार हे दुपारपर्यंत स्पष्ट होईल.
काँग्रेसचे आमदार चंद्रकांत जाधव यांच्या निधनामुळे ही पोटनिवडणूक झाली होती. या पोटनिवडणुकीसाठी काँग्रेसने दिवंगत आमदार चंद्रकांत जाधव यांच्या पत्नी जयश्री जाधव यांना उमेदवारी दिली, तर भाजपने महानगरपालिकेच्या माध्यमातून शहराच्या राजकारणात सक्रिय असलेल्या सत्यजित उर्फ नाना कदम यांना उमेदवारी दिली होती.
आजवर हा सामना कोल्हापूर दक्षिणमध्ये बघायला मिळायचा. पण मागील काही निवडणुकांमध्ये संपूर्ण कोल्हापूर जिल्ह्यात हा सामना पाहायला मिळाला, मग यात गोकुळ दूध संघाची निवडणूक असेल वा आजची कोल्हापूर उत्तरची पोटनिवडणूक.
