सदर घटना खेड तालुक्यातील खरपुडी बुद्रुक येथे घडली आहे. राहत्या घरात गणपतीसाठी आरास करण्यात आली असता विद्युत सजावट करण्यात आली असून विद्युत लाईनीत शॉट सर्किट होऊन आग लागली. ही आग पसरली आणि त्यात होरपळून घरात झोपलेल्या तरुणाचा मृत्यू झाला. वैभव गरुड असे या तरुणाचे नाव आहे. या आगीत सजावट जळून खाक झाला. या घटने मुळे परिसरात हळहळ व्यक्त करण्यात आली. या प्रकरणी राजगुरूनगरात आकस्मिक मृत्यूची नोंद करण्यात आली आहे.
