महाराष्ट्र सरकारच्या आरोग्य विभागात नोकरीची बंपर भरती सुरू आहे. या भरती अंतर्गत आरोग्य विभागाच्या एकूण 3 हजार 466 रिक्त पदांची भरती करण्यात येणार असल्याची माहिती आरोग्य विभागातर्फे देण्यात आली आहे.यामध्ये ड गटासाठीच्या नोकरभरतीसाठी अधिसूचना प्रसिद्ध करण्यात आली असून या प्रक्रियेत पात्र असलेल्या उमेदवाराने ऑनलाईन पद्धतीन अर्ज दाखल करावा लागणार आहे. तसेच येत्या 9 ऑगस्टपासून ऑनलाईन अर्ज घेण्यास सुरुवात होणार आहे. या संबधीत अधिसूचना प्रसिद्ध करण्यात आली आहे.
आरोग्य विभागात भरती प्रक्रियेमधून महाराष्ट्रातली अहमदनगर,धुळे,नाशिक,रायगड,पालघर,ठाणे,जळगाव, परभणी,जालना,सांगली,रत्नागिरी,कोल्हापूर,सोलापूर,सातारा पुणे,नंदुरबार,बुलडाणा,नांदेड,बीड,अकोला, उस्मानाबाद,लातूर,औरंगाबाद,हिंगोली,पुणे,चंद्रपूर,गोंदिया,वर्धा,गडचिरोली,भंडारा,नागपूर, वतमाळ,वाशीम आदी जिल्ह्यांमधील ड प्रवर्गातील जागा भरल्या जाणार आहेत.
