कैलास चंदू रायघोळ (45, रा़.आम्रपालीनगर, कॅनॉलरोड, नाशिकरोड) असे शिक्षा सुनावण्यात आलेल्या आरोपीचे नाव आहे. 29 एप्रिल 2016 रोजी सायंकाळच्या सुमारास नाशिकरोडच्या आम्रपालीनगरमध्ये ही घटना घडली होती़.
जिल्हा व सत्र न्यायाधीश एम. एच. मोरे यांच्या न्यायलयात हा खटला सुरू होता़. यामध्ये मुलीची, डॉक्टरांची व तिच्या आईची साक्ष महत्त्वाची ठरली़. तर महिला पोलीस उपनिरीक्षक पी. बी़. केदार यांनी या गुन्ह्याचा तपास केला़.
न्यायालयासमोर आलेल्या पुराव्यानुसार आरोपी कैलास रायघोळ यास अत्याचाराच्या गुन्ह्यात पाच वर्षे सक्तमजुरी व एक हजार रुपये दंड, दंड न भरल्यास पंधरा दिवसांचा साधा कारावास तर पोस्को कायद्यान्वये तीन वर्षे सक्तमजुरी व एक हजार रुपये दंड, दंड न भरल्यास पंधरा दिवसांच्या साध्या कारावास. अशी शिक्षा सुनावली़ सरकारी वकील दीपशिखा भिडे-भांड यांनी या खटल्यात नऊ साक्षीदार तपासले़.
