राष्ट्रवादीचे नेते आणि माजी मंत्री एकनाथ खडसे यांनी भाजपचे नेते आणि केंद्रीय गृहमंत्री अमित शाह यांच्याशी संपर्क केल्याच्या वृत्ताला खासदार रक्षा खडसेंनीच दुजोरा दिलाय. काही दिवसांपूर्वी मुक्ताईनगरचे आमदार चंद्रकांत पाटील यांनी मुख्यमंत्री एकनाथ शिंदेंच्या जाहीर सभेतून म्हटलं होतं की, एकनाथ खडसेंनी दिल्लीत जाऊन अमित शाहांची भेट घेतली. त्यानंतर एकनाथ खडसे भाजपमध्ये परतणार का, याबाबत चर्चांना उधाण आलं होतं.
अखेर भाजपच्या खासदार आणि एकनाथ खडसेंच्या सून रक्षा खडसे यांनी स्पष्ट केलं की, एकनाथ खडसेंची दिल्लीत अमित शाहांची भेट झाली नाही, मात्र फोनवरून चर्चा झाली.
