हे काही बिहार नाही जेथे मुलांकडे बंदुका सापडाव्यात मात्र असे घडले आहे महराष्ट्रात. राज्यातील हिंगोली जिल्ह्यातील एका तिसरीत शिकणाऱ्या मुलीकडे देशी कट्टा आणि जवळपास १० जिवंत काडतुसं सापडली आहेत. शाळेत तिच्या मैत्रीणीला ती कट्टा दाखवत असताना शिक्षकांनी पाहिल आणि हा सर्व प्रकार उघड झाला होता. शिक्षकांनी लगेच पोलिसांना बोलावले होते. पोलिसांनी अधिक चौकशी केली असता हा कट्टा तिच्या वडिलांचा असल्याचे तिनं सांगितलं आहे.
हिंगोली शहर पोलिसांनी तात्काळ देशी कट्टा आणि काडतुसं जप्त केली. मुलीचे वडिल सय्यद मुश्ताक सय्यद आझम हे माजी सैनिक आहेत. त्याच्यावर पोलिसांनी गुन्हा दाखल केला आहे.तर दुसरीकडे ८ वर्षाच्या तेही मुलीकडे शाळेत देशी कट्टा सापडल्याने विद्यार्थी आणि पालकांमध्ये काही काळ घबराटीचे वातावरण पसरले होते.पोलीस अधिक तपास करत आहेत.
