आई आणि मुलाचे नातं वेगळेच असते. आपल्या मुलांसाठी आई काहीही करू शकते. आपल्या धर्मग्रन्थात आईचे स्थान मोठे आहे. आई सारखे दैवत या जगात कोणी नाही. आईही आपल्या मुलांची वैरीण कधीही होऊ शकत नाही. पण छत्रपती संभाजी नगरातुन एका आईने आपल्या पोटच्या गोळ्याला म्हणजे आपल्या अडीच महिन्याच्या चिमुकल्याला विकल्याची धक्कादायक घटना घडली आहे.
सदर प्रकार छत्रपती संभाजी नगरच्या जवाहर नगर पोलीस ठाण्याच्या हद्दीतील शिवशंकर कॉलोनीतील जिजामाता बालक आश्रमातील आहे. या प्रकरणी बाळाची आई, मामा, अनाथालयाचे चालक,आणि त्यांच्या पत्नीवर गुन्हा दाखल केला आहे. हे बाळ महिलेने पाच लाख रुपयात विकले आहे.
