व्हायरल झालेला हा व्हिडिओ अंबरनाथच्या बुवापाडा परिसरातील असल्याचे सांगितले जात असून यात राहुल नावाच्या एका तरूणाचा वाढदिवस साजरा केला जात होता. तेव्हा केकवर शोभेचा पाऊस लावण्यात आला. ते पेटवून तरुणाच्या तोंडात धरण्यासाठी देण्यात आला. नंतर या तरुणावर अंडी फेकून मारण्यात आली. त्यामुळे तोंडातील जळत असलेला शोभेचा पाऊस या तरुणाने हातात पकडला. याचवेळी या तरुणाच्या अंगावर त्याच्या एका मित्राने पीठ टाकले. मात्र यामुळे आगीचा मोठा भडका उडाला, ज्यात बर्थडे बॉय चांगलाच होरपळून निघाला.
