2003च्या मुंबई बॉम्बस्फोटातील दोषींना आज शिक्षा सुनावली जाणार आहे. सरकारी वकील रोहिणी सैलियन यांनी आरोपींनी कठोर शिक्षा करण्याची मागणी कोर्टात केली आहे. आरोपी मुझम्मील अन्सारी फाशी, तर साकीब नाचन याला जन्मठेप ठोठावण्याची विनंती सरकारी वकिलांनी केली आहे.
डिसेंबर 2002 आणि मार्च 2003 दरम्यान मुंबईच्या विविध भागांमध्ये बॉम्बस्फोट झाले होते. 6 डिसेंबर 2002 रोजी मुंबई सेंट्रल रेल्वे स्टेशनजवळ मॅक्डोनाल्डमध्ये, 27 जानेवारी 2003 रोजी पार्ल्याच्या भाजी मार्केटमध्ये तर 13 मार्च 2003 रोजी मुलुंड रेल्वे स्टेशनजवळ लोकल ट्रेनमध्ये बॉम्बस्फोट झाला होता. यात 12 जणांचा मृत्यू झाला होता, तर 27 जण जखमी झाले होते.