मुसळधार पावसाने कोंढवा, येवलेवाडी, वानवडी, हडसपर भागातील नागरिकांची अक्षरशः झोप उडवली. अनेक घरांमध्ये पाणी घुसले, रस्त्यांची स्थितीही भयानक झाली होती.
मध्यवर्ती भागात नागझरी नाल्याचा मोठा पूर आला, बुरूड पूल येथे पाणी पात्राच्या बाहेर आल्याने परिसरातील वस्तीमध्ये पाणी घुसले होते. तर मंगळवार पेठेतही शिवाजी आखाड्याच्या शेजारील वस्तीमध्ये पाणी घुसल्याने अग्निशमल दलाचे जवान मदतीसाठी आले.त्यांनी घटनास्थळी अडकलेल्या नागरिकांची सुखरूप सुटका केली.
शहरातील सदाशिव पेठ, नारायण पेठ, स्वारगेट, कात्रज, कर्वेनगर, तसेच पिंपरी- चिंचवड या भागात घरात पाणी शिरले.
