आरोग्य अधिकाऱ्यांनी सांगितले की, 'एकूण 26 रुग्ण पुणे शहरातील आहेत. पीएमसी क्षेत्रात नव्याने समाविष्ट झालेल्या गावांतील 78 रुग्ण आहेत. 15 पिंपरी चिंचवड, 10 पुणे ग्रामीण आणि 11 इतर जिल्ह्यातील आहेत. शुक्रवारी एकही नवीन रुग्ण आढळला नाही. राज्यात सर्वाधिक प्रकरणे पुणे आणि परिसरातील आहेत.
पुणे शहरातील विविध भागातील एकूण 160 पाण्याचे नमुने रासायनिक व जैविक विश्लेषणासाठी सार्वजनिक आरोग्य प्रयोगशाळेत पाठविण्यात आले. 'गुलियन-बॅरे सिंड्रोम' हा प्रदूषित पाणी पिण्यामुळे होतो. पुण्यातील आठ जलस्रोतांचे नमुने दूषित आढळले. सिंहगड रोड परिसरातील एका खाजगी बोअरवेलमधून मिळालेल्या नमुन्यांपैकी एका नमुन्यात एस्चेरिचिया कोलाय किंवा ई. कोलाय बॅक्टेरिया आढळून आला, असे एका अधिकाऱ्याने सांगितले.
