पुण्याच्या कल्याणीनगरमध्ये श्वानाचा मृत्यू, पेटशॉप मालकाविरुद्ध गुन्हा दाखल

पुण्याच्या कल्याणीनगर परिसरात श्वानाच्या मृत्यू प्रकरणी पेटशॉपच्या मालकासह येरवडा पोलसांनी तिघांविरुद्ध गुन्हा दाखल केला आहे. या प्रकरणी एका तरुणीने येरवडा पोलीस ठाण्यात फिर्याद केली आहे. 

मिळालेल्या माहितीनुसार, तक्रारदार तरुणी वडगाव शेरीच्या एका सोसायटीत राहते. तिने एक श्वान पाळला. तिने आपल्या श्वानाला कल्याणीनगरच्या एका पेटशॉप मध्ये 28 सप्टेंबर रोजी देखभालीसाठी पाठविलं. तिथे पेटशॉप मध्ये कर्मचाऱ्यांनी  श्वानाला अंघोळ घातली आंघोळ घातल्यावर लगेच श्वानाला उलटी झाली नंतर त्याचा मृत्यू झाला.  

श्वानाला आंघोळ योग्य पद्धतीने घातली नाही. पेटशाॅपमधील कर्मचाऱ्यांच्या बेजबाबदारपणामुळे दुर्घटना घडल्याचे तरुणीने फिर्यादीत नमूद केले आहे.

तरुणीने दिलेल्या फिर्यादीनुसार, प्राणी क्रुरता प्रतिबंधक अधिनियम कलम 11, तसेच अन्य कलमांन्वये पेटशाॅपच्या मालकासह कर्मचाऱ्यांविरुद्ध गुन्हा दाखल करण्यात आला आहे.पोलीस पुढील तपास करत आहे.  

Edited By - Priya Dixit