यावेळी पत्रकार परिषदेत मंडळाचे पदाधिकारी म्हणाले की, पुणे शहराचे महापौर मुरलीधर मोहोळ हे सकाळी १०.३० वाजता श्री कसबा गणपतीला पुष्हाहार अर्पण करती व सकाळी ११.३० वाजता कसबा मंडळाच्या गणपती मूर्तीचे विसर्जन होईल. श्री तांबडी जोगेश्वरी गणपती मूर्तीचे विसर्जन दुपारी १२ वाजून २५ मिनिटांनी होईल, श्री गुरुजी तालीम मंडळाच्या गणपती मूर्तीचे दुपारी १ वाजता, श्री तुळशीबाग मंडळाच्या गणपती मूर्तीचे दुपारी १ वाजून ४५ मिनिटांनी व केसरी वाड्यातील गणेश मूर्तीचे दुपारी २ वाजून ३० मिनिटांनी विसर्जन होणार आहे. याचबरोबर श्रीमंत भाऊ भाऊसाहेब रंगारी मंडळाच्या गणपती मूर्तीचे दुपारी ३.१५ मिनिटांनी, श्रीमंत दगडूशेठ हलवाई गणपती मंडळाच्या गणेश मूर्तीचे सूर्यास्ताच्या वेळी व अखिल मंडई मंडळाचा गणपती मूर्तीचे सायंकाळी सात वाजता विसर्जन होणार असल्याचे यावेळी सांगण्यात आले.
