बाप रे ! बस पेटली ! पुण्याहून दापोडीला जाणाऱ्या बस ने पेट घेतला, यात 20 ते 25 प्रवाशी होते, सर्व सुखरूप
पुण्याच्या पिंपरी चिंचवड मध्ये एका पीएमपीएमएल(PMPML) बस ने अचानक पेट घेतला. या वेळी बस मध्ये 20 ते 25 प्रवाशी होते. ही बस पुण्याहून दापोडीला येत होती. अचानक बस ने पेट घेतला. बस चालकाने प्रसंगावधान राखून बस थांबवली आणि सर्व प्रवाशांना खाली उतरण्यास सांगितले. सुदैवाने मोठा अनर्थ टळला आणि कोणतीही जीवित हानी झाली नाही.
ताबडतोब अग्निशमन दलाचे बंब घटनास्थळी दाखल झाले. परंतु जवानां पुढे मोठे आवाहन होते की ही बस सीएनजी ने चालणारी असल्यामुळे आग गॅस च्या टाकी पर्यंत पोहोचता कामा न ये. त्यात जवानांना यश मिळाले आणि मोठं अनर्थ टळले . बस चालकाने प्रसंगावधानाने निर्णय घेऊन प्रवाशांचे प्राण वाचवले या साठी त्यांचे कौतुक होत आहे.
