पुणे कार अपघातप्रकरणी अटक करण्यात आलेल्या तीन आरोपींना पुण्याच्या विशेष न्यायालयाने 24 मे पर्यंत पोलिस कोठडी सुनावली आहे. येथील न्यायालयाने मंगळवारी तीन आरोपी, एक रेस्टॉरंट मालक आणि वेगवेगळ्या रेस्टॉरंटचे दोन व्यवस्थापक यांना पोलीस कोठडी सुनावली. आरोपी कोसी रेस्टॉरंटचे मालक नमन प्रल्हाद भुतडा, व्यवस्थापक सचिन काटकर आणि ब्लॅक क्लब हॉटेलचे व्यवस्थापक संदीप सांगळे यांना न्यायालयात हजर करण्यात आले.
त्यांची सात दिवसांची कोठडी मागताना, फिर्यादीने न्यायालयाला सांगितले की, आरोपींच्या मालकीच्या किंवा व्यवस्थापित आस्थापनांनी मुलगा आणि त्याच्या मित्रांना वयाची पडताळणी न करता दारू दिली. यानंतर अतिरिक्त सत्र न्यायालयाचे न्यायाधीश एस.पी.पोंक्षे यांनी तिन्ही आरोपींना 24 मे पर्यंत पोलीस कोठडी सुनावली.
अधिकाऱ्यांच्या म्हणण्यानुसार, अपघात घडवणारी पोर्श कार 17 वर्षीय किशोरवयीन तरुणाने चालवली होती. कल्याणीनगरमध्ये रविवारी पहाटे मोटारसायकलवरून जाणाऱ्या दोघांना कारने धडक दिली, परिणामी त्यांचा मृत्यू झाला. घटनेच्या वेळी तरुण दारूच्या नशेत होता, असा पोलिसांचा दावा आहे. कार अपघातात सहभागी असलेल्या मुलाच्या वडिलांना पोलिसांनी ताब्यात घेतले असून एका अल्पवयीन मुलाला दारू दिल्याप्रकरणी दोन हॉटेलच्या तीन अधिकाऱ्यांना अटक केली आहे. मुलाचे वडील 'रिअल इस्टेट' व्यावसायिक आहेत.
