प्रधान तंत्रज्ञ संदिप दशरथ भोसले (वय-38) आणि खासगी व्यक्ती हरी लिंबराज सुर्यवंशी (वय-22 रा. लोहगांव, पुणे) यांना लाच घेताना रंगेहाथ पकडण्यात आले आहे.याबाबत एका 50 वर्षाच्या व्यक्तीने पुणे लाचलुचपत प्रतिबंधक विभागाकडे तक्रार दिली आहे.
तक्रारदार यांनी तीन घरांचे बांधकाम केले आहे.यासाठी त्यांनी तीन वीज मिटर जोडणी करण्यासाठी आणि एक मीटर ट्रान्सफर करण्यासाठी महावितरण कंपनीच्या विश्रांतवाडी शाखेत अर्ज केला होता.या कामासाठी संदीप भोसले याने तक्रारदार यांच्याकडे 8 हजार रुपये लाच मागितली.तक्रारदार यांना लाच देणे मान्य नसल्याने त्यांनी पुणे लाचलुचपत प्रतिबंधक विभागाकडे तक्रार केली.
लाचलुचपत प्रतिबंधक विभागाने पडताळणी केली असता संदिप भोसले याने लाच घेण्याचे मान्य केले.तसेच लाचाची रक्कम खासगी व्यक्ती हरी सुर्यवंशी याच्याकडे देण्यास सांगितली.त्याप्रमाणे तक्रारदार यांच्याकडून संदिप भोसले याच्यासाठी 8 हजार रुपयांची लाच स्विकारताना सुर्यवंशी याला रंगेहाथ पकडले.दोघांवर येरवडा पोलीस ठाण्यात लाचलुचपत प्रतिबंधक कायद्यांतर्गत गुन्हा दाखल करण्यात आला आहे.
