मोबाइल घ्यायच्या विचारात असाल तर सॅमसंगनं तुमच्यासाठी खूप चांगल्या ऑफर्स आणल्या आहेत. स्वस्त स्मार्टफोन बाजारातील वाढती स्पर्धा लक्षात घेऊन श्याओमी, मायक्रोमॅक्स, वनप्लस वनला टक्कर देण्यासाठी सॅमसंगने आपल्या गॅलॅक्सी ग्रँड मॅक्सवर 20 टक्क्यांची भरभरून सूट दिलीय.
फेब्रुवारीमध्ये सॅमसंगनं हा मोबाइल 15,990 रूपयांना बाजारात आणला होता. नुकतीच कंपनीनं या मोबाइलची किंमत कमी करून 12,990 केली होती. वाढती स्पर्धा लक्षात घेत कंपनीनं पुन्हा किंमत कमी केलीय. त्यामुळे आता हा मोबाइल 11,990 ला बाजारात उपलब्ध झालाय.
एवढंच नाही तर कंपनीनं या मोबाइलच्या खरेदीवर 11,000 रूपयांच्या ऑफर्सही देऊ केल्यात. या ऑफर्स स्नॅपडील, फूडपांडा आणि यात्रा कंपनीच्या गिफ्ट कूपन स्वरूपात असतील.
सॅमसंग गॅलॅक्सी ग्रँडमध्ये 16 जीबी इंटर्नल मेमरी असून 64 जीबीपर्यंत वाढवता येईल. यासोबत 13 मेगापिक्सल रिअर कॅमेरा फ्लॅशसह दिला गेलाय जो कमी प्रकाशातही चांगले फोटो देतो. 5 मेगापिक्सलचा फ्रंट कॅमेराही दिला गेलाय. कनेक्टिविटीमध्ये यात 3जी, LTE, वाय-फाय, मायक्रो-यूएसबी, जीपीएस, ब्लूटूथ 4.0 दिलं गेलय. यात रिमुव्हेबल बॅटरी पण असून याचं वजन 161 ग्रॅम आहे.
