सोशल मीडियावर प्रसिद्धी मिळवण्यासाठी लोक काहीही करतात. ते आपला जीव देखील धोक्यात टाकतात. अनेकदा त्यांच्या सोबत अपघात देखील होतात. सोशल मीडिया वर प्रसिद्ध यूट्यूबर TTF वासन यांचा कांचीपुरम, तामिळनाडू येथे अपघात झाला . ते दुचाकीवर 'व्हीली' नावाचा स्टंट करत असताना अचानक दुचाकीवरील नियंत्रण सुटले. दुचाकी पलटी होऊन घसरली . दरम्यान, युट्युबर्सही दुसऱ्या बाजूला पडले. या घटनेत वासन गंभीर जखमी झाले. अपघाताचे सीसीटीव्ही फुटेज समोर आले असून ते सोशल मीडियावर व्हायरल होत आहे.
वृत्तानुसार, 17 सप्टेंबर रोजी वासन चेन्नईहून कोईम्बतूरला बाईकवर जात होते. बलुचेट्टी चथिराम ओलांडत असताना सर्व्हिस लेनवर त्याचा अपघात झाला. भरधाव वेगामुळे दुचाकी 100 मीटरपर्यंत घसरली आणि रस्त्याच्या कडेला पडली. वासन यांना तातडीने रुग्णालयात दाखल करण्यात आले. स्टंट करताना वासनने संरक्षणात्मक गियर घातले होते.
वासन एक प्रसिद्ध मोटोव्हलॉगर आणि यूट्यूबरआहे. त्याचे ट्विन थ्रॉटल्स नावाचे यूट्यूब चॅनल आहे, ज्याचे 40 लाखांहून अधिक फॉलोवर्स आहेत. यावर ते त्याच्या हायस्पीड बाइक राईडशी संबंधित व्हिडिओ आणि व्लॉग पोस्ट करत असतात . असे धोकादायक स्टंट आणि वाहतुकीचे नियम मोडल्याबद्दल त्याने अनेकदा दंडही भरला आहे. अपघाताच्या सीसीटीव्ही फुटेजच्या आधारे पोलीस उपचारानंतर युट्युबरची चौकशी करणार आहेत.
