उत्तराखंडमधील तिहरी जिल्ह्यात एक प्रवासी बस दरीत कोसळून १४ प्रवाशांचा मृत्यू झाला आहे. या अपघातात १८ जण जखमी झाले असून, त्यातील सहा जणांची प्रकृती गंभीर आहे. ही बस उत्तरकाशीहून हरिद्वारला जात असताना सुल्याधार येथे चालकाचा बसवरील ताबा सुटला व बस दरीत कोसळली. बसमधील सर्व प्रवासी देवदर्शनासाठी निघाले होते. या अपघातात मृत्युमुखी पडलेल्यांच्या नातेवाईकांना सरकारने प्रत्येकी दोन लाख रुपयांची तर जखमींना प्रत्येकी ५० हजार रुपयांची मदत जाहीर केली आहे.
