करोना व्हायरसने जगभरात थैमान मांडला आहे, देशभरात चिंतेचं वातावरण असताना एक धक्कादायक बातमी समोर आली आहे. उत्तर प्रदेशातील मेरठ येथील एका खासगी रुग्णालयाने 2500 रुपयात करोना निगेटिव्ह रिपोर्ट देण्याची ऑफर देणारा एक व्हिडीओ सध्या व्हायरल झाला आहे.
व्हिडीओ व्हायरल झाल्यानंतर रुग्णालय प्रशासनाविरोधात एफआयआर दाखल करण्यता आला आहे. यासोबत रुग्णालयाला टाळं ठोकण्यात आलं असून, जिल्हाधिकाऱ्यांनी परवाना रद्द करण्याचा प्रस्ताव ठेवला आहे. यावर चौकशीचे आदेश देण्यात आले आहे.
मेरठचे मुख्य वैद्यकीय अधिकार्‍यांकडे रुग्णालयाने दिलेल्या निगेटिव्ह रिपोर्टदेखील सादर करण्यात आला असून त्यावर प्यारेलाल जिल्हा रुग्णालयाचा शिक्का आहे. मात्र प्यारेलाल जिल्हा रुग्णालयाद्वारे यासंबंधी कोणतीही माहिती आली नसल्याचं सांगण्यात येत आहे तसेच हा व्हिडीओ खोटा असून रुग्णालयाची बदनामी करण्याचा प्रयत्न केला जात असल्याचा आरोप केला जात आहे.
