मंगळवारी केंद्रीय मंत्रिमंडळाने तीन महत्त्वाचे निर्णय मंजूर केले आहे. या बैठकीत आणीबाणीच्या ५० व्या वर्धापन दिनानिमित्त एक ठराव मंजूर करण्यात आला. दुसरीकडे, उत्तर प्रदेशला सरकारकडून मोठी भेट देण्यात आली आहे. केंद्र सरकारने मंगळवारी मंत्रिमंडळाच्या बैठकीत तीन महत्त्वाचे निर्णय मंजूर केले. यासोबतच आग्रा येथे आंतरराष्ट्रीय बटाटा केंद्र आणि पुणे मेट्रोच्या फेज-२ ला मंजुरी देण्यात आली. याशिवाय, अंतराळवीर शुभांशू शुक्ला यांच्या अंतराळ मोहिमेच्या यशस्वी प्रक्षेपणाचे स्वागत करणारा ठराव केंद्रीय मंत्रिमंडळाने मंजूर केला.
पुणे मेट्रो रेल्वे प्रकल्प टप्पा-२ मंजूर
केंद्रीय मंत्री अश्विनी वैष्णव म्हणाले की, मंत्रिमंडळाने पुणे मेट्रो रेल्वे प्रकल्प टप्पा-२ ला मान्यता दिली आहे. वनाज ते चांदणी चौक (कॉरिडॉर २अ) आणि रामवाडी ते वाघोली/विठ्ठलवाडी (कॉरिडॉर २ब) हा विद्यमान पुणे मेट्रो टप्पा-१ (वनाज-रामवाडी) चा विस्तार आहे. हे दोन उन्नत कॉरिडॉर १२.७५ किमी लांबीचे असतील आणि त्यात १३ स्थानके असतील, जी चांदणी चौक, बावधन, कोथरूड, खराडी आणि वाघोली सारख्या वेगाने विकसित होणाऱ्या उपनगरांना जोडतील. हा प्रकल्प चार वर्षांत पूर्ण करण्याचे नियोजन आहे.
आग्रा येथे आंतरराष्ट्रीय बटाटा केंद्र
मंत्रिमंडळाने उत्तर प्रदेशातील आग्रा येथील सिंगना येथे आंतरराष्ट्रीय बटाटा केंद्र (सीआयपी) च्या दक्षिण आशिया प्रादेशिक केंद्राची स्थापना करण्यास मान्यता दिली आहे. यासाठी १११.५ कोटी रुपयांची आर्थिक मदत दिली जाईल. अन्न आणि पोषण सुरक्षा, शेतकऱ्यांचे उत्पन्न आणि रोजगार निर्मिती वाढवणे हे मुख्य उद्दिष्ट आहे. भारत जगातील दुसऱ्या क्रमांकाचे बटाटा उत्पादक राज्य आहे. उत्तर प्रदेश हे सर्वात मोठे बटाटा उत्पादक राज्य आहे. माहिती आणि प्रसारण मंत्री अश्विनी वैष्णव यांनी सांगितले की, पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत हा निर्णय घेण्यात आला.
