कन्नड सुपरस्टार यशचा आज वाढदिवस आहे. नवा पॅन स्टार म्हणून त्याला प्रसिद्धी मिळाली आहे. त्याची कारकिर्दी 2000 पासून सुरु झाली. तो साऊथचा सुपर स्टार आहे. त्याचे असंख्य चाहते आहे. आज त्याच्या वाढदिवसावर लोक शुभेच्छांचा वर्षाव करत असताना एक वाईट बातमी समोर आली आहे. त्याच्या वाढदिवसाची तयारी करत असताना त्याच्या 3 चाहत्यांचा दुर्देवी मृत्यू झाल्याची दुर्देवी घटना गदग जिल्ह्यातील लक्ष्मेश्वर तालुक्यातील सुरंगी गावात घडली आहे.
या गावात मध्यरात्री तीन तरुण यशच्या वाढदिवसाच्या एक दिवस पूर्वी कटआऊट लावत असताना विजेचा जोरदार धक्का लागून त्यांचा जागीच मृत्यू झाला तर तिघे जण गंभीर जखमी झाले आहे. हणमंता हरिजन, नवीन गाझी , मुरली नदविदमणी या तिघांचा मृत्यू झाला. तर इतर तिघांना जखमी अवस्थेत रुग्णालयात उपचारासाठी दाखल केले आहे.
