सीएच्या परीक्षा वर्षातून दोनदा म्हणजे मे आणि नोव्हेंबर महिन्यात होतात. कोरोना संक्रमणाच्या पार्श्वभूमीवर मे महिन्यात होणारी परीक्षा पुढे ढकलण्यात आली होती. ही परीक्षा २९ जुलै ते १६ ऑगस्ट या कालावधीत होईल, असे इन्स्टिट्यूट ऑफ चार्टर्ड अकौंटंटस ऑफ इंडियाकडून (आयसीएआय) सांगण्यात आले होते. तथापि कोरोना संक्रमण मे महिन्याच्या तुलनेत कितीतरी जास्त वाढल्याने २९ जुलै ते १६ ऑगस्टदरम्यान परीक्षा घेणे शक्य नसल्याचे आयसीएआयकडून सोमवारी सर्वोच्च न्यायालयाला सांगण्यात आले.
