येत्या 18 डिसेंबरला गुजरातची सत्ता कोण मिळवणार हे समजणार आहे. मात्र, त्याआधी घेण्यात आलेल्या जनमत चाचणीनुसार गुजरातमध्ये कमळच फुलणार असल्याचं दिसतं आहे. निवडणुकांच्या पार्श्वभूमीवर एका वृत्त वाहिनीने केलेल्या सर्व्हेनुसार गुजरातमध्ये भाजपला सर्वाधिक जागा मिळण्याची शक्यता व्यक्त करण्यात येत आहे.
गुजरात निवडणुकी आधी करण्यात आलेल्या सर्व्हेनुसार गुजरातमध्ये भाजपला 118-134 जागा मिळतील. तर काँग्रेसला 49 ते 61 जागा मिळण्याची शक्यता वर्तवण्यात आली आहे. तर इतरांना 3 जागा मिळतील. मतदानाच्या टक्केवारीचा विचार केल्यास भाजपला 52 टक्के, काँग्रेसला 37 टक्के आणि इतरांना 11 टक्के मतदान मिळू शकतं.
