बँकेकडून कर्ज घेणे सोपे काम नाही. अनेकवेळा बँक कर्ज देण्यासही नकार देते, पण कर्नाटकातील हावेरीमध्ये एका व्यक्तीला नकार मिळाला तर त्याला एवढा राग आला की त्याने बँक पेटवून दिली. प्रकरण गेल्या रविवारचे आहे.
पोलिसांनी दिलेल्या माहितीनुसार, आरोपीला कर्जाची गरज होती आणि त्यासाठी तो बँकेत गेला होता. मात्र, कागदपत्रांची पडताळणी केल्यानंतर बँकेने त्या व्यक्तीला कर्ज देण्यास नकार दिला. यामुळे संतापलेल्या व्यक्तीने रविवारी बँकेलाच आग लावली.
या आगीत 12 लाख रुपयांचे नुकसान झाल्याचे पोलिसांनी सांगितले. पाच संगणक, पंखे, दिवे, पासबुक प्रिंटर, कॅश मोजण्याचे यंत्र, कागदपत्रे, सीसीटीव्ही आणि कॅश काउंटर जळाले.
