Terrorist Killed Civilians: राजौरीमध्ये दहशतवाद्यांनी 4 नागरिकांची हत्या केली

Terrorist Killed Civilians: रविवारी जम्मू-काश्मीरच्या राजौरीमध्ये दहशतवाद्यांनी गोळीबार करून चार नागरिकांची हत्या केली. दहशतवाद्यांच्या गोळीबारात इतर 7 नागरिक जखमी झाले आहेत. दहशतवाद्यांनी 4 नागरिकांच्या हत्येबद्दल राजौरीतील डांगरी येथील मुख्य चौकात निदर्शने केली.

एलजी मनोज सिन्हा यांनी येथे येऊन आमच्या मागण्या ऐकून घ्याव्यात, अशी आमची मागणी असल्याचे स्थानिकांनी सांगितले. दुसरीकडे, दहशतवादी हल्ल्यानंतर लष्कर आणि स्थानिक पोलिस राजौरीमध्ये शोध मोहीम राबवत आहेत.

अप्पर डांगरी भागात दहशतवाद्यांनी गोळीबार केला

एका अधिकृत निवेदनानुसार, राजौरी जिल्ह्यातील उच्च माध्यमिक शाळेजवळील अप्पर डांगरी भागात संध्याकाळी 7.15 वाजता गोळीबाराची घटना घडली, ज्यात एक महिला आणि एका मुलासह 10 हून अधिक लोक जखमी झाले.

एडीजीपी मुकेश सिंह म्हणाले, “राजौरी जिल्ह्यातील अप्पर डांगरी भागात दहशतवाद्यांनी तीन घरांवर हल्ला केल्याने चार जण ठार झाले आणि सात जण जखमी झाले. संपूर्ण परिसराची नाकेबंदी करण्यात आली असून लवकरच दहशतवाद्यांना जेरबंद केले जाईल.”

 ते म्हणाले की, सुरक्षा दल घटनास्थळी पोहोचले असून केंद्रीय राखीव पोलीस दल (CRPF) आणि भारतीय लष्कराने शोध मोहीम सुरू केली आहे. 
Edited by : Smita Joshi