पुलवामा येथे डिस्ट्रीक्ट पोलीस लाईन येथे दहशतवाद्यांनी हल्ला केला. सुमारे दोन ते तीन दहशतवाद्यांनी हा हल्ला केल्याचे वृत्त आहे.दहशतवाद्यांच्या गोळीबारात एक जवान शहीद झाला असून पोलीस दलातील दोन आणि सीआरपीएफचे दोन जवान या हल्ल्यात जखमी झाले. पोलिसांनीही दहशतावाद्यांना प्रत्युत्तर दिले असून अद्याप चकमक सुरु आहे. घटनास्थळी सुरक्षा दलाची तुकडी रवाना झाली आहे. परिसरात दोन ते तीन दहशतवादी लपून बसल्याची माहिती समोर येत आहे.
