उत्तर प्रदेशची राजधानी लखनऊच्या गोसाईगंज भागात शुक्रवारी रात्री एक खाजगी बस पलटी झाल्याने एकाचा मृत्यू झाला तर 12 जण जखमी झाले आहे.पोलिसांनी दिलेल्या माहितीनुसार बस बहराइचहून नवी दिल्लीला जात होती आणि किसान पथ जवळ, चालकाचे बसवरील नियंत्रण सुटले आणि रात्री 9 च्या सुमारास बस दुभाजकावर आदळली.
पोलिसांनी दिलेल्या माहितीनुसार, स्थानिक पोलीस कर्मचारी, अग्निशमन सेवा आणि स्थानिक रहिवाशांनी एकत्रितपणे बसमधून जखमी प्रवाशांना बाहेर काढण्यासाठी आणि त्यांना मदत करण्यासाठी प्रयत्न केले. अपघात कसा झाला याचा तपास सुरू असल्याचे पोलिसांनी सांगितले.
