मुख्यमंत्री नाश्ता योजनेचा पहिला टप्पा १५ सप्टेंबर रोजी मदुराई येथे सुरू करण्यात आला आणि आता या विस्तारासह, योजनेचा पाचवा टप्पा सुरू झाला आहे, ज्यामुळे २,४२९ शाळांमधील ३.०६ लाख अतिरिक्त मुलांना फायदा होईल.
मिळालेल्या माहितीनुसार तामिळनाडूचे मुख्यमंत्री एम.के. स्टॅलिन यांनी मंगळवारी द्रविड मुन्नेत्र कळघम (द्रमुक) सरकारच्या प्रमुख उपक्रम 'मुख्यमंत्री नाश्ता योजना'चा विस्तार राज्यातील शहरी भागात केला. प्रमुख पाहुणे म्हणून कार्यक्रमाला उपस्थित असलेले पंजाबचे मुख्यमंत्री भगवंत मान यांच्यासमवेत स्टॅलिन यांनी येथील 'सेंट जोसेफ प्रायमरी स्कूल' येथे मुलांना जेवण दिले आणि योजनेच्या विस्ताराची औपचारिक सुरुवात केली. स्टॅलिन आणि मान यांनीही मुलांसोबत बसून जेवण केले.
३.०६ लाख अतिरिक्त मुलांना लाभ मिळेल
या विस्तारासह योजनेचा पाचवा टप्पा सुरू झाला आहे, ज्यामुळे २,४२९ शाळांमधील ३.०६ लाख अतिरिक्त मुलांना फायदा होईल. या योजनेच्या विस्तारानंतर, राज्यातील एकूण २०.५९ लाख मुलांना आता 'मुख्यमंत्री नाश्ता योजने'चा लाभ मिळेल.
