रेल्वे प्रवाशांना खालची सीट (लोअर बर्थ) हवी असेल तसेच उत्सवांच्या सीझनमध्ये प्रवास करायचा असेल तर जास्त पैसे मोजावे लागू शकतात. रेल्वेच्या यासंबंधी एका समिती या सिफारशी सादर केल्या आहेत. जर रेल्वे बोर्डाने या सिफारशीवर शिक्कामोर्तब केले तर प्रवाशांना खालची सीट तसेच उत्सवांच्या सीझनमध्ये प्रवास करताना अधिक पैसे द्यावे लागतील.
सूत्रांनी दिलेल्या माहितीनुसार, विमानात प्रवाशांना पुढील सीटसाठी अधिक पैसे मोजावे लागतात. त्याचप्रमाणे रेल्वे प्रवाशांनाही पसंतीची सीट मिळवण्यासाठी जास्त शुल्क द्यावे लागतील. तसेच काही विशेष मार्गावरील लोकप्रिय रेल्वेंचे भाडेही वाढवले जाऊ शकते. समितीने आपला अहवाल रेल्वे बोर्डाला १५ जानेवारीला सादर केला. समितीने फ्लेक्सी पे प्रणालीत या बदलांच्या सूचना दिल्या आहेत. या प्रणालीत प्रिमियम रेल्वेचे भाडे ५० टक्के वाढवले जाऊ शकते. याला वेगवेगळ्या स्तरातून विरोध होत आहे.
