दिल्लीत आयोजित या राज्यभिषकाच्या या भव्य कार्यक्रमात देशभरातील काँग्रेसचे पदाधिकारी सहभागी झाले. मोठेमोठे बॅनर्स लावून, फटाखे फोडून आणि कार्यकर्त्याद्वारे सांस्कृतिक नृत्य प्रदर्शन करुन खुशी जाहिर करण्यात आली.
राहुल गांधी द्वारे अध्यक्षपदाचा पदभार स्विकार केल्याने काँग्रेसच्या एका नव्या पर्वाला सुरुवात झाली आहे. सलग 19 वर्ष पक्षाचं नेतृत्व करत अध्यक्षपद सांभाळणार्‍या सोनिया गांधी यांनी अध्यक्षपदाची जबाबदारी राहुल गांधी यांच्यावर सोपवण्याचा निर्णय घेतला होता. अध्यक्षपदाच्या निवडणुकीसाठी राहुल गांधी वगळता इतर कुणीही अर्ज न केल्याने त्यांची बिनविरोध निवड झाली होती. राहुल गांधी हे नेहरू-गांधी कुटुंबातून आलेले काँग्रेसचे सहावे अध्यक्ष आहेत.
