2020 ची बिहार विधानसभा निवडणूक जेडीयू आणि भाजपने एकत्र लढवली होती. कमी जागा मिळूनही भाजपने नितीशकुमार यांना मुख्यमंत्री केले. तेव्हापासून दोन्ही पक्षांमध्ये बाचाबाची सुरू होती. दोन्ही पक्षांचे नेतेही अनेक मुद्द्यांवर वेगवेगळी वक्तव्ये करताना दिसले. आता भाजपसोबत जेडीयूची युती तुटल्याचे निश्चित झाले आहे.
नितीश कुमार यांनी आपला राजीनामा राज्यपालांकडे सुपूर्द केला आहे. त्यांना 160 आमदारांचा पाठिंबा असल्याचा दावा त्यांच्या बाजूने करण्यात आला आहे. राजीनाम्यानंतर नितीश कुमार यांनी भाजपपासून वेगळे व्हावे, ही सर्वांची इच्छा असल्याचे म्हटले आहे. आमदार-खासदारांच्या संमतीनंतर घेतलेला हा निर्णय आहे.
