PM Modi Telangana Chennai Visit: वंदे भारत एक्स्प्रेसला हैदराबादमध्ये हिरवा झेंडा दाखवला जाईल व चेन्नईतील विमानतळाच्या नवीन टर्मिनलचे उद्घाटन होईल

ANI

PM Modi Telangana Chennai Visit: पंतप्रधान नरेंद्र मोदी शनिवारी तेलंगणा आणि चेन्नईच्या दौऱ्यावर असतील. पंतप्रधान मोदी हैदराबादमध्ये वंदे भारत एक्सप्रेसला हिरवा झेंडा दाखवतील. यानंतर ते 11,300 कोटी रुपयांपेक्षा जास्त किमतीच्या प्रकल्पांचे उद्घाटन आणि पायाभरणी करतील. पीएम मोदी हैदराबादमध्ये जाहीर सभेलाही संबोधित करणार आहेत. त्यानंतर दुपारी ३ वाजता ते चेन्नईला रवाना होतील.

PM मोदी सकाळी 11.45 वाजता तेलंगणातील सिकंदराबाद रेल्वे स्थानकावर पोहोचतील. येथे ते सिकंदराबाद ते तिरुपती या वंदे भारत एक्सप्रेस ट्रेनला हिरवा झेंडा दाखवतील. यादरम्यान, पंतप्रधान सिकंदराबाद रेल्वे स्टेशनच्या पुनर्विकास प्रकल्प आणि 720 कोटी रुपये खर्चाच्या इतर प्रकल्पांची पायाभरणी करतील.

सिकंदराबाद रेल्वे स्थानकातून बाहेर पडून पंतप्रधान मोदी दुपारी  12.15 वाजता हैदराबादच्या परेड ग्राउंडवर जाहीर सभेला संबोधित करतील. यादरम्यान पंतप्रधान बीबीनगर एम्सची पायाभरणी करतील. यासोबतच पाच राष्ट्रीय महामार्गही भेट देण्यात येणार आहेत.

Telangana | PM Narendra Modi to flag off Vande Bharat Express between Secunderabad and Tirupati today.

PM will inaugurate and lay the foundation stone of projects worth over Rs 11,300 crores in Telangana today. pic.twitter.com/K5IqWDo8vu

— ANI (@ANI) April 8, 2023

तेलंगणात 90 दिवसांत दुसरी वंदे भारत ट्रेन

हैदराबाद आणि तिरुपतीला जोडणारी सिकंदराबाद-तिरुपती वंदे भारत एक्सप्रेस ही तेलंगणातून 90 दिवसांपेक्षा कमी कालावधीत दाखल होणारी दुसरी वंदे भारत ट्रेन आहे. ट्रेन सुरू झाल्यामुळे हैदराबाद-तिरुपती दरम्यानचा प्रवासाचा वेळ सुमारे साडेतीन तासांनी कमी होणार आहे.

याशिवाय तेलंगणा आणि आंध्र प्रदेशमधून जाणाऱ्या राष्ट्रीय महामार्ग प्रकल्पाची पायाभरणीही पंतप्रधान मोदी करणार आहेत. यानंतर मोदी चेन्नईला रवाना होतील. दुपारी 3 वाजता पंतप्रधान मोदी चेन्नई विमानतळावर पोहोचतील. जिथे ते नवीन टर्मिनलचे उद्घाटन करतील. यानंतर ते चेन्नई सेंट्रल रेल्वे स्टेशनवर दुपारी 4 वाजता चेन्नई-कोइम्बतूर वंदे भारत एक्सप्रेसला हिरवा झेंडा दाखवतील. त्यानंतर, पंतप्रधान श्री रामकृष्ण मठाच्या 125 व्या वर्धापन दिनानिमित्त आयोजित समारंभात सहभागी होतील.
Edited by : Smita Joshi