ऑपरेशन सिंदूरबाबत कर्नल सोफिया कुरेशी म्हणाल्या की, आम्ही पहाटे 1:05 वाजता पाकिस्तानवर हल्ला केला. या कारवाईत 9 ठिकाणी हल्ले करण्यात आले; एकूण 21 लक्ष्यांवर हल्ला करण्यात आला. पाकिस्तानमध्ये 9 ठिकाणी हवाई हल्ले करण्यात आले आहेत. भारताने दहशतवाद्यांच्या अड्ड्यांवर लक्ष केंद्रित केले आहे. भारतीय हवाई दलाने पीओके आणि पाकिस्तानच्या आत हवाई हल्ला केल्याचे सांगण्यात येत आहे.
कर्नल सोफिया कुरेशी काय म्हणाल्या: ऑपरेशन सिंदूरची माहिती देताना भारतीय लष्कराच्या अधिकारी कर्नल सोफिया कुरेशी म्हणाल्या की, अचूक कारवाईदरम्यान, भारतीय लष्कराने पाकिस्तानमधील नऊ दहशतवादी अड्डे पूर्णपणे नष्ट करण्यात यश मिळवले आहे. गुप्तचर माहितीच्या आधारे कारवाई करण्यात आल्याचे त्यांनी सांगितले.
सामान्य नागरिकांना कोणताही त्रास होऊ नये यासाठी पूर्ण काळजी घेण्यात आली आहे. निष्पाप पर्यटक आणि त्यांच्या कुटुंबियांना न्याय मिळवून देण्यासाठी ऑपरेशन सिंदूर सुरू करण्यात आले. पाकिस्तान गेल्या तीन दशकांपासून पाकिस्तान आणि पीओकेमध्ये पसरलेल्या दहशतवादी पायाभूत सुविधा निर्माण करत आहे. भारतीय सैन्याने पहाटे 1.5 ते 1.30 या वेळेत राबवलेल्या ऑपरेशन सिंदूरमध्ये 9 दहशतवाद्यांच्या अड्ड्यांवर हल्ला करण्यात आला. या कारवाईत पीओके आणि पाकिस्तानमधील लाँचपॅडचा समावेश होता. कर्नल सोफिया म्हणाल्या, "9 दहशतवादी तळांना लक्ष्य करून ते नष्ट करण्यात आले. गेल्या तीन दशकांपासून, पाकिस्तानने पद्धतशीरपणे दहशतवादी पायाभूत सुविधा निर्माण केल्या आहेत जे दहशतवादी तळ आणि लाँचपॅडसाठी आश्रयस्थान राहिले आहेत. उत्तरेकडील सवाई नाला आणि दक्षिणेकडील बहावलपूर येथील प्रसिद्ध प्रशिक्षण तळांना लक्ष्य करण्यात आले.
पाकिस्तान गोळीबार करत आहे: भारताच्या ऑपरेशन सिंदूरनंतर पाकिस्तानमध्ये घबराटीचे वातावरण आहे. नियंत्रण रेषेवर पाकिस्तानकडून सतत युद्धबंदीचे उल्लंघन होत असल्याच्या बातम्या येत आहेत. पूंछ-राजौरी सेक्टरमध्ये जोरदार गोळीबार सुरू आहे. पाकिस्तानच्या या कृतीला भारतीय लष्कराकडून चोख प्रत्युत्तर दिले जात आहे. भारतीय लष्कराच्या हवाई हल्ल्यानंतर पाकिस्तानने लाहोर, इस्लामाबाद आणि सियालकोट विमानतळ पुढील 48 तासांसाठी बंद केले आहेत. मीडिया रिपोर्ट्सनुसार, पाकिस्तानने आपले हवाई क्षेत्र देखील बंद केले आहे आणि सर्व उड्डाणे रद्द केली आहेत.
