विधानसभा निवडणूक जाहीर झाल्यानं उत्तर प्रदेशात पक्षांतरं आणि युत्या-आघाड्यांना सध्या जोर आला आहे. अखिलेश यादव यांच्या समाजवादी पक्षासोबत अनेक लहान-सहान पक्ष जोडले जात असतानाच, आझाद समाज पार्टीनं पाठ वळवलीय.
"आम्ही एका महिन्यापेक्षा जास्त दिवस यावर चर्चा करत होतो आणि मागच्या सहा महिन्यांपासून भेटी झाल्या. पण युतीसंदर्भात काहीही साध्य झालं नाही. म्हणून आगामी निवडणुका आम्ही स्वबळावर लढू," असं चंद्रशेखर म्हणाले.
दुसरीकडे, उत्तर प्रदेशात भाजपला हरवणं येऱ्या-गबाळ्याचं काम नाही, असं केंद्रीय मंत्री आणि रिपाइंचे अध्यक्ष रामदास आठवलेंनी म्हटलंय.
