अर्थमंत्री निर्मला सीतारमण यांनी जीएसटी दरात कपात करण्याची घोषणा केली आहे. गरीब आणि मध्यमवर्गासोबतच शेतकरी, एमएसएमई, महिला आणि तरुणही या निर्णयाने खूश आहे. कार आणि बाईकच्या चाहत्यांनाही हा निर्णय खूप दिलासा देणारा आहे. जीएसटी कौन्सिलने ३५० सीसी पर्यंतच्या लहान कार आणि बाईकवरील जीएसटी दर २८ टक्क्यांवरून १८ टक्के केला आहे. १२०० सीसी क्षमतेच्या आणि ४ मीटरपर्यंतच्या पेट्रोल आणि पेट्रोल हायब्रिड कारवरही १८ टक्के दराने जीएसटी आकारला जाईल.
दुसरीकडे, लक्झरी आणि मध्यम आकाराच्या कारसाठी आता ४० टक्के कर भरावा लागेल. सध्या त्यावर सुमारे ५०% कर आकारला जातो. दुसरीकडे, इलेक्ट्रिक वाहनांवर फक्त ५% दराने जीएसटी आकारला जाईल. १५ ऑगस्ट रोजी पंतप्रधान मोदींच्या भाषणानंतर, लोक जीएसटी परिषदेच्या बैठकीची वाट पाहत होते. या निर्णयामुळे कार आणि बाईक खरेदी करू इच्छिणाऱ्या तरुणांमध्ये उत्साह निर्माण झाला आहे. यामुळे दिवाळीत वाहन बाजारात नवीन तेजी येऊ शकते.
