आखाडा परिषदेचे अध्यक्ष महंत नरेंद्र गिरी यांचे सोमवारी संशयास्पद परिस्थितीत निधन झाले .येथील बाघांबरी आखाड्यात महंत नरेंद्र गिरी यांचे निधन झाले. मात्र, मृत्यूचे कारण अद्याप उघड झालेले नाही.पोलिसांच्या म्हणण्यानुसार त्यांनी आत्महत्या केली आहे. पोलिसांना त्यांच्या खोलीतून सुसाईड नोट देखील सापडली आहे.त्यांची खोली आतून बंद होती आणि त्यांच्या गळ्यात फास असून मृतदेह जमिनीवर पडलेला होता.त्यांनी आपल्या सुसाईड नोट मध्ये आपले संपूर्ण मृत्युपत्र लिहिले आहे. त्यात आनंदगिरी यांचाही उल्लेख केलेला आहे.ते आपल्या शिष्यांवर नाराज होते.
प्राथमिक माहितीनुसार महंत नरेंद्र गिरी यांचा संशयास्पद परिस्थितीत मृत्यू झाला आहे. पोलीस घटनास्थळी पोहोचले. नरेंद्र गिरी यांच्या मृत्यूमागे षडयंत्र असू शकते,असे माजी खासदार रामविलास वेदांती म्हणाले. दरम्यान,यूपीचे उपमुख्यमंत्री दिनेश शर्मा म्हणाले की संपूर्ण प्रकरणाची चौकशी केली जाईल.
मोदींनी व्यक्त केले दुःख: पंतप्रधान नरेंद्र मोदी यांनी आखाडा परिषदेचे अध्यक्ष महंत नरेंद्र गिरी यांच्या निधनाबद्दल दु: ख व्यक्त केले आहे.महंत यांचे निधन अत्यंत दु: खद असल्याचे ते म्हणाले.संत समाजात नरेंद्र गिरी यांचे योगदान लक्षणीय आहे. मुख्यमंत्री योगीआदित्यनाथ यांनीही महंत यांच्या निधनाबद्दल दु: ख व्यक्त केले आहे.
