उत्तराखंडमधील टिहरी जिल्ह्यातील भिलंगाना रेंजमध्ये बिबट्याची दहशत पाहता या भागातील प्राथमिक आणि उच्च माध्यमिक शाळांच्या सुट्ट्या 26 ऑक्टोबरपर्यंत देण्यात आल्या आहे. परिसरातील मेहर कोट गावात शनिवारी 13 वर्षीय साक्षी कैंटुरा या चिमुरडीला बिबट्याने ठार केले. गेल्या चार महिन्यांतील बिबट्याच्या हल्ल्याची ही तिसरी घटना आहे.
मिळालेल्या माहितीनुसार बिबट्याला पकडण्यासाठी वनविभागाचे नेमबाज तैनात करण्यात आले असले तरी चार दिवस उलटले तरी अद्याप तो पकडला गेला नसल्याचे अधिकाऱ्यांनी सांगितले. तसेच त्याचा शोध घेण्यासाठी पोलिस पथके, ट्रॅप कॅमेरे आणि ड्रोनचीही मदत घेतली जात आहे. बिबट्या पकडला जात नसल्याने ग्रामस्थांमध्ये घबराटीचे वातावरण आहे. बिबट्याचा धोका लक्षात घेऊन टिहरीचे जिल्हा दंडाधिकारी मयूर दीक्षित यांनी बाधित गावांमधील सरकारी प्राथमिक शाळा, उच्च माध्यमिक शाळा आणि अंगणवाडी केंद्रांच्या सुट्ट्या 26 ऑक्टोबरपर्यंत वाढवल्या आहे.
