मिळालेल्या माहितीनुसार उत्तराखंडमध्ये सुरू असलेल्या चारधाम यात्रेदरम्यान मोठी बातमी समोर आली आहे. चारधाम यात्रेतील महत्त्वाचा थांबा असलेल्या केदारनाथमध्ये भूस्खलन झाल्याने २ प्रवाशांचा मृत्यू झाला आहे तर ३ जण जखमी झाले आहे. सध्या एनडीआरएफ आणि एसडीआरएफ पथके बचावकार्यात गुंतली आहे. अपघातानंतर, जखमींना रुग्णालयात पाठवण्यात आले आहे. बचाव करण्यात गुंतलेल्या मदत कर्मचाऱ्यांनी सांगितले की, गौरीकुंडच्या पुढे असलेल्या केदारनाथ चालण्याच्या मार्गावर जंगलछट्टी गधेराजवळ बुधवारी, १८ जून रोजी सकाळी ११ वाजता भूस्खलन झाले. यादरम्यान केदारनाथकडे जाणारे पाच प्रवासी त्यात अडकले. घटनेची माहिती मिळताच, जंगलछट्टी येथे तैनात असलेले पोलिस आणि बचाव कर्मचारी घटनास्थळी पोहोचले आणि बचाव कार्य सुरू केले.
