Jammu and Kashmir : जम्मू-काश्मीरच्या किश्तवाडमध्ये भीषण रस्ता अपघात, कार खड्ड्यात पडली, 7 जणांचा मृत्यू
Jammu and Kashmir : जम्मू-काश्मीरच्या किश्तवाडमध्ये भीषण रस्ता अपघात झाल्याची बातमी आहे. वृत्तानुसार, एक वाहन रस्त्यावरून घसरून खोल दरीत पडल्याने किमान 7 जणांचा मृत्यू झाल्याची भीती आहे. अधिकाऱ्यांनी सांगितले की, हा अपघात सकाळी 8.35 च्या सुमारास डच्चन भागातील डांगदुरू पॉवर प्रोजेक्ट साइटजवळ घडला. बचावकार्य सुरू असल्याचे त्यांनी सांगितले.
केंद्रीय मंत्री डॉ जितेंद्र सिंह यांनी माहिती दिली आहे की, डांगदुरू धरणाच्या ठिकाणी झालेल्या दुर्दैवी रस्ता अपघातात 7 जणांचा मृत्यू झाला असून 1 जण गंभीर जखमी झाला आहे. जखमींना आवश्यकतेनुसार जिल्हा रुग्णालयात किश्तवार किंवा जीएमसी डोडा येथे हलवले जात आहे. आवश्यकतेनुसार शक्य ती सर्व मदत केली जाईल.
