आयसीएमआरने कोवॅक्सिन वरील बीएचयूच्या अहवालावर प्रश्न उपस्थित केले
मंगळवार, 21 मे 2024 (20:25 IST)
एस्ट्राजेनेकाच्या कोविड लसीचे दुष्परिणाम समोर आल्यावर लोकांच्या मनात इतर लसींबाबतही अनेक प्रश्न आहेत. कोव्हीशील्ड बाबतच्या अहवालानंतर बनारस हिंदू विद्यापीठ (BHU) द्वारे नुकत्याच केलेल्या एका अभ्यासाने लोकांना कोवॅक्सीन मुळे होणाऱ्या दुष्परिणामांबद्दल सावध केले आहे. आता या अभ्यासावरून नवीन वाद निर्माण झाला आहे.
सोमवारी इंडियन कौन्सिल ऑफ मेडिकल रिसर्च (ICMR) चे महासंचालक डॉ. राजीव बहल यांनी BHU अभ्यासावर आक्षेप व्यक्त केला आणि सांगितले की
ICMR ला या खराब डिझाइन केलेल्या अध्ययनाशी जोडले जाऊ शकत नाही, ज्याचा उद्देश कोवॅक्सिनचे 'सुरक्षा विश्लेषण' सादर करणे आहे. एवढेच नाही तर त्यांनी पेपरच्या लेखकांना आणि मासिकाच्या संपादकांना पत्र लिहून त्यावरून आयसीएमआरचे नाव हटवण्यात यावे आणि यासंदर्भात एक शुद्धीपत्रकही प्रसिद्ध करावे, अशी विनंती केली आहे.
ICMR ने BHU च्या या अभ्यासाच्या खराब पद्धती आणि डिझाइनवर देखील प्रश्न उपस्थित केले आहेत.
BHU study on side effects of Covaxin erroneously acknowledges ICMR. ICMR cannot be associated with this poorly designed study which purports to present a ''safety analysis" of Covaxin: DG ICMR, Dr Rajiv Bahl
या महिन्याच्या सुरुवातीला BHU संशोधकांच्या टीमने भारत बायोटेकद्वारे निर्मित कोवॅक्सिनवरील एका वर्षाच्या अभ्यासाचा अहवाल सादर केला होता. अभ्यासानुसार, कोवॅक्सिन लस घेतलेल्या सुमारे एक तृतीयांश लोकांनी प्रतिकूल घटना (AESI) नोंदवल्या. AESI प्रतिकूल घटनांचा संदर्भ देते.
भ्यासानुसार, भारत बायोटेकची कोवॅक्सिन लस घेतलेल्या जवळपास एक तृतीयांश लोकांनी एका वर्षानंतर अनेक दुष्परिणाम नोंदवले. 926 सहभागींवर केलेल्या अभ्यासात, सुमारे 50 टक्के लोकांनी संशोधन कालावधीत संसर्गाची तक्रार देखील केली. 10.5 टक्के लोकांमध्ये त्वचेशी संबंधित समस्या, 10.2 टक्के लोकांमध्ये सामान्य विकार आणि 4.7 टक्के लोकांमध्ये मज्जातंतूशी संबंधित समस्या दिसून आल्या.
कोविड लसींबाबत प्रश्नोत्तरे सुरू झाली जेव्हा लस उत्पादक AstraZeneca ने ब्रिटीश न्यायालयात कबूल केले की तिच्या लसीमुळे थ्रोम्बोसिस विथ थ्रोम्बोसाइटोपेनिया सिंड्रोम (TTS) नावाची दुर्मिळ स्थिती उद्भवू शकते. TTS ही रक्त गोठण्याची समस्या आहे ज्यामुळे हृदयविकाराचा झटका आणि ब्रेन स्ट्रोकचा धोका वाढतो.याच क्रमात BHU ने आपल्या अभ्यास अहवालात म्हटले आहे की केवळ Covishield नाही तर Covaxin देखील पूर्णपणे सुरक्षित नाही. त्यामुळे नागरिकांमध्ये अनेक प्रकारच्या समस्या पाहायला मिळत आहेत
