मोबाईलवर बोलणे महागात पडले! भीषण अपघातात १ मृत्य तर १७ जण गंभीर जखमी

Hathras News: हाथरसच्या चांडापा भागात उत्तराखंड रोडवेजची बस उत्तर प्रदेश रोडवेजच्या बसशी धडकल्याने एका प्रवाशाचा मृत्यू झाला तर १७ जण जखमी झाले.

मिळालेल्या माहितीनुसार उत्तर प्रदेशातील हाथरस जिल्ह्यातील चांडापा भागात अलीगढ-आग्रा रोडवर उत्तराखंड रोडवेज बस आणि उत्तर प्रदेश रोडवेज बसमध्ये झालेल्या अपघातात एक प्रवाशाचा मृत्यू झाला आणि १७ जण जखमी झाले. या प्रकरणाबाबत पोलिसांनी सांगितले की, हा अपघात मीताई गावाजवळ घडला, जेव्हा आग्राहून टनकपूरला जाणारी उत्तराखंड रोडवेज बस हाथरसहून आग्राला जाणाऱ्या उत्तर प्रदेश रोडवेज बसशी धडकली.

पोलिसांनी सांगितले की, उत्तर प्रदेश रोडवेज बसचा चालक विजय सिंग याचा जागीच मृत्यू झाला. तो हाथरसमधील सादाबाद येथील तिकेट गावचा रहिवासी होता. अपघाताच्या वेळी काठगोदाम डेपोचा बस चालक बस चालवत असताना मोबाईलवर कोणाशी तरी बोलत असल्याचे सांगण्यात येत आहे. ज्यामुळे हा भीषण अपघात झाला अशी माहिती समोर आली आहे.

Edited By- Dhanashri Naik