Weather Update देशातील १२ राज्यांमध्ये कोसळणार मुसळधार पाऊस; आयएमडीने दिला इशारा

शनिवार, 7 जून 2025 (12:43 IST)
भारतात मान्सून दाखल झाला आहे. देशातील अनेक राज्यांमध्ये मान्सूनच्या पावसानेही कहर करायला सुरुवात केली आहे. ओडिशा, पश्चिम बंगाल, आसाम आणि अरुणाचल प्रदेशसारख्या राज्यांमध्ये झालेल्या पावसामुळे अनेक ठिकाणी पूर आला आहे.

तसेच ७ जून आज देशातील अनेक शहरांमध्ये मुसळधार पाऊस पडेल, तर अनेक राज्यांमध्ये मान्सून दाखल होईल. समुद्रालगतच्या राज्यांमध्ये मेघगर्जनेसह मध्यम पावसाचा अंदाज वर्तवण्यात आला आहे. याशिवाय, काही जिल्ह्यांमध्ये पुराचा इशारा देखील देण्यात आला आहे. भारतीय हवामान खात्याच्या मते २४ तासांत ८५ मिमी पर्यंत पाऊस पडेल.
ALSO READ: बाबा सिद्दीकी हत्या प्रकरणातील मास्टरमाइंडला कॅनडा पोलिसांनी केली अटक
आयएमडीने म्हटले आहे की ओडिशा, गंगेचे मैदानी प्रदेश पश्चिम बंगाल, अरुणाचल प्रदेश, नागालँड, मिझोराम, मणिपूर, त्रिपुरा, आंध्र प्रदेश आणि यानम या अनेक भागात मुसळधार पावस पडणार आहे. 

हवामान विभागाच्या अंदाजानुसार, पुढील ७ दिवसांत ईशान्य भारतातील बहुतेक ठिकाणी हलका ते मध्यम पाऊस पडण्याची शक्यता आहे. आयएमडीनुसार, ७ जून रोजी त्रिपुराच्या अनेक भागात मुसळधार पाऊस पडण्याची शक्यता आहे. त्याच वेळी, ९ ते ११ जून दरम्यान नागालँड, मणिपूर, मिझोरम आणि त्रिपुरामध्ये मुसळधार पाऊस पडू शकतो. याशिवाय, ९ ते १३ जून दरम्यान अरुणाचल प्रदेशात मुसळधार पाऊस पडण्याची शक्यता आहे. तसेच, पुढील ७ दिवस उप-हिमालयीन पश्चिम बंगाल आणि सिक्कीममधील अनेक जिल्ह्यांमध्ये हलका ते मध्यम पाऊस पडण्याची शक्यता आहे.
ALSO READ: बिहारचे विरोधी पक्षनेते तेजस्वी यादव यांच्या ताफ्याला भरधाव ट्रकने धडक दिली, २ सुरक्षा कर्मचारी आणि १ चालक जखमी
आयएमडीनुसार, ७ जून रोजी मध्य प्रदेशात ४०-५० किमी प्रति तास वेगाने वादळे येतील. १० ते १३ जून दरम्यान छत्तीसगड, ओडिशा, बिहार आणि झारखंडमध्ये जोरदार वादळ आणि विजांच्या कडकडाटाची शक्यता आहे. तसेच  ७ आणि ८ जून रोजी वायव्य भारतातील पूर्व राजस्थानमध्ये हलका ते मध्यम पाऊस पडू शकतो. याशिवाय, ८ ते १० जून दरम्यान पश्चिम राजस्थानमध्ये धुळीची वादळे येण्याची शक्यता आहे. त्याच वेळी, ११ ते १३ जून दरम्यान जम्मू आणि काश्मीर, लडाख, हिमाचल प्रदेश, उत्तराखंड, उत्तर प्रदेशमध्ये हलका ते मध्यम पाऊस पडण्याची शक्यता आहे.
ALSO READ: माझा काहीही संबंध नाही, राज आणि उद्धव ठाकरे यांच्यातील युतीच्या अंदाजांवर फडणवीस म्हणाले
आयएमडीच्या अंदाजानुसार गुजरात मध्ये पंचमहल, दाहोद, वडोदरा, छोटा उदयपूर, नर्मदा, भरूच, सुरत, डांग, नवसारी, वलसाड, तापी, दमण, दादरा, नगर हवेली, राजकोट, पोरबंदर, जुनागढ, अमरेली, भावनगर, गिर सोमनाथ, बोटाड आणि गुजरातचे दीव येथे हलका मध्यम स्वरूपाचा पाऊस पडण्याची शकयता आहे.

Edited By- Dhanashri Naik

वेबदुनिया वर वाचा

संबंधित माहिती