उत्तर प्रदेशमधील कुशीनगर येथे पॅसेंजर ट्रेनने शाळेच्या बसला धडक दिल्याने १३ विद्यार्थ्यांना जीव गमवावा लागला. या दुर्घटनेसाठी बसचालकाचा बेजबाबदारपणा कारणीभूत असल्याचे समोर आले आहे. चालकाच्या कानात इअरफोन होते आणि यामुळेच त्याला ट्रेनचा आवाज ऐकू आला नाही, असे प्रत्यक्षदर्शींचे म्हणणे आहे. उत्तर प्रदेशमधील मुख्यमंत्री योगी आदित्यनाथ यांनी देखील अशी माहिती मिळाल्याचे सांगितले असून याची चौकशी सुरु असल्याचे त्यांनी म्हटले आहे.
