उच्च वर्णीय लोकांनी 9 एप्रिल रोजी येथे लग्नाच्या पंगतीत खुर्चीत बसून जेवणाऱ्या दलित तरुणाला बेदम मारहाण केल्याने त्याचा मृत्यू झाला. त्याचे नाव जितेंद्र दास असे होते. त्यावर जबर मारहाण केल्यानंतर त्याला डेहराडून मधील रुग्णालयात दाखल करण्यात आले. मात्र या मारहाणीत जखमी झालेल्या तरुणाचा काही दिवसानंतर मृत्यू झाला.
श्रीकोट जवळ राहणारा जितेंद्र दास हा सुतारीचे काम करायचा. काही दिवसांपूर्वी एका दूरच्या नातलगाच्या लग्नात जितेंद्र आपल्या कुटुंबासोबत गेला होता. येथे जितेंद्रला खुर्चीवर बसून जेवत असताना पाहून तिथल्या उच्च जातीय तरुणांना राग आला व त्यांनी जेवणाच्या ताटासकट जितेंद्रला लाथ मारून खाली पाडले. दलित असूनही खुर्चीवर बसण्याची हिंमत कशी झाली असा प्रश्न करत या तरुणांनी जितेंद्रला माराहाण केली. इतकंच नव्हे तर घरी परत जात असताना देखील त्याच्यावर हल्ला केला.
